monumenta.ch > Isidorus > B > 50 > sectio 24 > sluMscr.Dresd.App.1092.247 > Q > sluMscr.Dresd.A.145.b.65 > sectio 19 > sluMscr.Dresd.App.1092.243 > bculMs.403.83r > sectio 22 > sectio > cb125.133v > bavPal.lat.1669.90 > E > sectio 42 > cb125.139v > sectio 28 > sectio 8 > Psalmi, 90 > sectio 50 > uwbM.p.th.f.12.55 > cpl1661.84 r > bavPal.lat.1663.251 > sectio 6 > sectio 40 > sectio 25

Word Selection for Searching

Report an Error in this Sectio Magnify Greek
Hieronymus, Epistulae, 4, 106, 25
Quadragesimo primo: Salutare vultus mei, Deus meus . Pro quo invenisse vos dicitis, et Deus meus. Sed sciendum; hoc in isto Psalmo bis inveniri, et in primo positum esse: salutare vultus mei, Deus meus; in secundo autem, id est, in fine ipsius Psalmi: Salutare vultus mei, et Deus meus; ita dumtaxat, ut, et coniunctio de Hebraeo, et Theodotione sub asterisco addita sit. In eodem: Exprobraverunt mihi qui tribulant me . Pro quo vos invenisse dixistis, οἱ ἐχθροί μου, id est, inimici mei; cum et apud Septuaginta scriptum sit, οἱ θλίβοντές με, et apud Hebraeos SORARAI, id est, hostes mei. In eodem: Spera in Deum, quoniam adhuc confitebor illi . Et dicitis, adhuc, in Graeco non inveniri. Quod sub asterisco additum est. Ita enim et in Hebraeo scriptum reperimus CHI OD, quod significatur ὅτι ἔτι, Latineque dicitur, quoniam adhuc. Hoc ipsum etiam in quadragesimo secundo intelligendum est.